ការប្រកួតលើកទី២ ក្នុងវគ្គសន្សំពិន្ទុក្នុងពូល ក្របខណ្ឌ UEFA Champions League រដូវកាល ២០១៧-២០១៨ បានបញ្ចប់ដោយបរាជ័យក្រោមថ្វីជើងក្រុមអធិរាជស្តេចស Real Madrid របស់ប្រទេសអេស្ប៉ាញ ។
មុនការប្រកួត គេបានវាយតម្លៃថា ក្រុមអធិរាជស្តេចខ្មៅលឿង មានប្រៀបជាង ដោយធ្វើបានល្អនៅក្នុងលីគរបស់ខ្លួន តែអ្វីៗពិតជានឹកស្មានមិនដល់ដោយការប្រកួត ក្រុមយក្សអេស្ប៉ាញ ធ្វើបានល្អជាង នឹងដណ្តើមយកជ័យជំនះក្នុងលទ្ធផល ១-៣ ។
ត្រឹមតែ១៨នាទីប៉ុណ្ណោះ Real Madrid ធ្វើការនាំមុខ ដោយកីឡាករ Gareth Bale ហើយបញ្ចប់វគ្គទី១ដោយលទ្ធផល ០-១ ។ ចូលដល់វគ្គទី២ កីឡាករស្តេចទាត់បញ្ចូលទី Ronaldo បានដាក់២គ្រាប់បន្ថែម ។ ចំណែក Dortmund បានតាម១គ្រាប់លួងចិត្តវិញដោយកីឡាករ Aubameyang ។
នេះជាបរាជ័យលើកដំបូងជាមួយក្រុម Real Madrid ក្នុងទឹកដី Signal Iduna Park ក្រោយ៦ប្រកួតកន្លងមក មិនដែលចាញ់ពោលគឺឈ្នះ៣ ស្មើ៣ ។
ប្រកួតបន្ទាប់របស់ Dortmund នឹងទៅកាន់ទឹកដីរបស់ក្រុមមកពីប្រទេស Cyprus គឺក្រុម APOEL នាកីឡដ្ឋាន NEO GSP នៅម៉ោង ១:៤៥ ថ្ងៃទី១៨ តុលា ២០១៧ ។
ចុចទីនេះដើម្បីមើលរូបភាពការប្រកួត
សូមទស្សនាវីដេអូសង្ខេបការប្រកួត
