ការប្រកួតពានរង្វាន់ DFB Pokal របស់ប្រទេសអាល្លឺម៉ង់ បានឈានចូលមកដល់ជុំទី២ហើយ បន្ទាប់រកបានក្រុមទាំង៣២ ។ ការប្រកួតជុំទី២នេះ នឹងប្រព្រឹត្តិទៅនៅយប់ថ្ងៃទី៣១ ខែតុលា និងយប់រំលងអាធ្រាត្រ ចូលថ្ងៃទី០១ ខែវិច្ឆិកា ។
ក្នុងនោះក្រុមមកពីលីគកំពូលអាល្លឺម៉ង់បានធ្លាក់កាលពីជុំទី១ អស់២ក្រុមហើយ គឺក្រុម Stuttgart និងក្រុម Frankfurt ។ សល់ក្រុម១៦ទៀត កំពុងត្រៀមខ្លួនប្រកួតជុំទី២ នាពេលខាងមុខ ខណៈ Dortmund នឹងស្វាគន៍ក្រុមមកពីលីគទី២ Union Berlin ។
ប្រវត្តិជួបគ្នារវាងក្រុមទាំង២ មានតែ២ដងគត់ ដែលក្នុងនោះ មានតែ Dortmund ជាអ្នកឈ្នះ ។ លើកទី១ នៅថ្ងៃទី២៤ ខែមករា ឆ្នាំ២០១៦ ជាការប្រកួតមិត្តភាព Dortmund យកឈ្នះក្នុងលទ្ធផល ៣ទល់នឹង១ ហើយការប្រកួតទី២ នៅថ្ងៃទី២៧ ខែតុលា ឆ្នាំ២០១៦ ជាការប្រកួត DFB Pokal ដែលឈ្នះក្នុងលទ្ធផល ៤ទល់នឹង១ ។
បើងាកទៅមើលស្ថិតិនៃការប្រកួតរបស់ក្រុមទាំង២មុនប៉ះគ្នា ឃើញថា ៥ប្រកួតចុងក្រោយរបស់ Dortmund មានឈ្នះ៤ដង និងស្មើ១ដង កាលពីថ្មីៗនេះ ជាមួយ Hertha Berlin ក្នុងទឹកដី ។ ឯ៥ប្រកួតចុងក្រោយរបស់ Union Berlin វិញមាន ឈ្នះ២ ស្មើ២ ។
តើការប្រកួតជុំទី២នេះ ក្រុមមួយណានឹងធ្វើដំណើរបន្តទៅជុំបន្ទាប់?
អត្ថបទ ៖ ឃិន សំណាង
