ក្រុមម្ចាស់ផ្ទះ Freiburg បានវាយបកយកឈ្នះក្រុមភ្ញៀវ Hoffenheim ក្នុងលទ្ធផល ៣:២ សំរាប់ការប្រកួតសប្តាហ៍ទី៧ ។ ក្នុងការប្រកួត Hoffenheim បាននាំមុខនៅនាទីទី១៤ ដោយកីឡាករ Robin Hack តែក្រុមម្ចាស់ផ្ទះមិនទុកអោយនៅយូរក៏តាមស្មើ ១វិញនៅនាទីបន្ទាប់ដោយកីឡាករ Niederlechner ។ រហូតដល់នាទីទី១៨ ក៏ថែមមួយគ្រាប់ទៀត ដែលធ្វើអោយចប់វគ្គទី១ក្នុងលទ្ធផល ២:១ ។ នៅតង់ទី២ ការប្រកួតនៅតែស្វាហាប់រហូតដល់ចុងវគ្គទី២ ក្រុមទាំង២ដាក់១គ្រាប់ទៀត ។ លទ្ធផលចុងក្រោយ Hoffenheim ចាញ់ ៣:២ ។ នេះជាការប្រកួតចាញ់លើកដំបូងក្នុងលីគរបស់ Hoffenheim ខណៈពេល Passlack មានឈ្មោះបំរុងតែមិនបានដាក់អោយលេង ។
សប្តាហ៍បន្ទាប់ ពោលគឺក្រោយការប្រកួតជម្រុះ World Cup Hoffenheim នឹងទទួលស្វាគមន៍ក្រុមភ្ញៀវដែលទើបចាញ់ Dortmund គឺ Ausburg នៅកីឡដ្ឋាន Wirsol Rhein-Neckar-Arena នាម៉ោង២០:៣០ ថ្ងៃទី១៤ តុលា ២០១៧ ។
