ការចាប់ឆ្នោតរកគូប្រកួតរបស់ពានរង្វាន់ DFB-Pokal រដូវកាលថ្មី ឆ្នាំ២០១៨-២០១៩ បានបញ្ចប់ហើយ ដោយភាគច្រើនក្លឹបខ្លាំងៗ ប៉ះជាមួយក្លឹបមកពីលីគលំដាប់ទាបជាងខ្លួន ។ ជាក់ស្តែងក្លឹប Borussia Dortmund នឹងត្រូវប្រកួតជុំទី១ ជាមួយនឹងក្លឹបមកពីលីគលំដាប់ទី២ គឺក្លឹប Greuther Furth ដែលកាលពីរដូវកាលមុន ក្លឹបនេះបានបញ្ចប់លេខរៀងទី១៥ក្នុងលីគ ។
ចំណែកឯក្លឹបខ្លាំងៗផ្សេងទៀតដូចជា FC Bayern Munchen ប៉ះក្លឹប SV Drochtersen/Assel លេងនៅលីគ Regionalliga Nord , ក្លឹប Schalke 04 ប៉ះក្លឹប FC Schweinfurt លេងនៅលីគ Regionalliga Bayern , ក្លឹប TSG 1899 Hoffenheim ប៉ះក្លឹប FC Kaiserslautern លេងនៅលីគលំដាប់ទី៣ រដូវកាលថ្មី , ក្លឹប RB Leipzig ប៉ះក្លឹប FC Viktoria Koln លេងនៅលីគ Regionalliga West ឯក្លឹបការពារតំណែងជើងឯកវិញ Eintracht Frankfurt ប៉ះក្លឹប SSV ULM លេងនៅលីគ Regionalliga Sudwest ។
គួរបញ្ជាក់ថា ជុំទី១ ពានរង្វាន់ DFB-Pokal នេះ គ្រោងនឹងធ្វើឡើងនៅថ្ងៃទី១៧ ដល់ថ្ងៃទី២០ ខែសីហា ឆ្នាំ២០១៨ ។
